Dag Drèents

Hie haar heur leren kennen op een aovond van de klas...
Zie haar wat hiel byzunders had al wus ’e niet wat ’t was...
En volgens zien kammeraoden was zie non niet bepaold een "stuk"
maar hie kun, as ’e an heur dacht, wal zingen van geluk

Want zie pruut Drèents, zie pruut zien Drèents
en dat dee daor op die schoel zowat gien mèens.
Zie pruten Drèents an ien stuk deur,
en gien ien van beide schaamde zuk er veur

Hie hef heur ’s aovonds hen hoes bracht, tot an de achterdeur...
Hie vuulde zuk zo eigen en zo vertrouwt bij heur.
Toen hef zie zegt: "Mien jongien, bij je vuul ik mij vrij"
en hie zee niks en smokte heur en dacht: "Ik hol van dei"

Want zie pruut Drèents, zie pruut zien Drèents
en dat dee daor op die schoel zowat gien mèens.
Zie pruten Drèents an ien stuk deur,
en gien ien van beide schaamde zuk er veur

En toen ’e ’s nachts hen hoes gung was ’e opperbest tevree.
Non haar ’e ’n wicht dat net zo pruut en dacht as hie dee.
De Drèentse taol haar heur oeteind’lijk bij’n kaander bracht.
En fluitend ree ’e op zien fietsien deur de stille nacht...

Want zie pruut Drèents, zie pruut zien Drèents
en dat dee daor op die schoel zowat gien mèens.
Zie pruten Drèents an ien stuk deur,
en gien ien van beide schaamde zuk er veur

Zie bint oeteind’lijk trouwd, het gung heur gloepens veur de wind.
Daor in dat Drentse darpien, en zie kregen heur eerste kind.
Maar toen zaten zie in ienmaol met dat Drèents wat in de maag,
zie pruten er tegen alsof het een logé was oet Den Haag...

Want tegen zien kind prat men gien Drèents...
Dat döt bij oes op’t darp zowat gien mèens...
Wij proot het zölf an ien stuk deur,
maar met zun kind er buj dan schaamt wij oes er veur.

Ja, stel je veur dat men ies Drèents pruut tegen zien kind
Zun stumper kun wal mienen da’j on-onwikkeld bint
Zodoende blieft oes jongs van aal dat Drèents verschoont....
aans moe’j je ok jao schamen....veur aal die import die hier woont.

Dag Drèents!