menu
  • In het Drents
  • In het Nederlands

Het Bruuloftslied

A- dat stiet veur Albert, die stumper die is trouwd
B- dat stiet veur Bertha, die kregt’t al wat benauwd,
C- dat stiet veur Corrie die hier vanaovond niet is
Dat komt deur’t Dineetje, want Corrie lust gien vis!

E- dat stiet veur Eppie, Appies jongste breur,
F- stiet veur "Ferkollen", veur Ep ging’t feest niet deur,
G- dat stiet veur galbloas, die van ome Geert,
Die kun hier ok niet wezen, hie is gister opereerd!

Fidera-la-la.................


H- stiet veur Harminao, Bertha’s aoldste zus,
is net van Albert scheiden, zie is er ok niet dus,
I- is van oom Ienus, een hiele beste man,
hie hef gien kaortien kregen, hie wet er ies niet van!

J- stiet veur Jantiena, wat jammer da’k heur mis,
Albert mus ies weten dat zie zwanger van hum is,
K- is Bertha’s kater, lief en zacht en rood.
L- is oom Lambettus, die juug dat kattien dood!

Fidera-la-la..................

M- is van machine, die zaagde wat te roem,
Albert drag zodoende de trouwring um de doem
N- is van nivea, das lekker op de hoed,
Bertha smeerde ’t Albert kös per ong’luk op de stoet!

O- is van oom Otto,
P- is van oom Piet,
daor he’j ’t bij bedörven, die komt vanaovond niet,
Q- dat stiet veur "kuunstgebit"en Bertha wet nog nooit
dat Ab zun ding in d’mond hef en hum ’s nachts in ’n koppien gooit!

Fidera-la-la..................

R- dat is van rusthoes, daor woont tante Griet,
valt niks meer van te arven, die is er dus ok niet,
S- dat stiet veur sneipop, de naam die Bertha kreeg
toen Albert met heur vrijen wol, achter in de steeg.

U- dat is het uurtien dat dizze bruuloft duurt,
V- hen ’t mooie veentien haar de fotograaf je stuurt,
naobestellings kopen hef non dus ok gien zin, want
Bertha zakte dao’lijk tot de börst antoe d’r in!

Fidera-la-la.......................

X- dat stiet veur: xal wal zien hoe of’t nog giet,
IJ- betiekent zowat het einde van dit lied,
Z- stiet veur ien zekerheid veur het jonge paar:
as’t an de familie lig bi’j zo weer oet mekaar!

Fidera-la-la