menu
  • In het Drents
  • In het Nederlands

Mamme, wat döt pappe raar !

Mamme, daor komp pappe an, met oes oom André.
Komp oes pappe van het voetbalveld?
Mamme, en wat was daor dan ? Slien tegen ZBC ?
Waorum  hef ‘e oes dat niet verteld ?
Kiek oes pap ies fietsen mam, zig-zag deur de steeg.
Mamme, waorum red oes pappe dwars deur oeze heeg ?
Wat zeg mamme?  Bint de rapen gaar ?
Mamme, wat döt oes pappe raar !

Mamme, moej oes pap ies zien, wat ‘e non toch döt.
Hie fietst dwars deur mamme’s dreuge was.
‘k Weet al mamme. ‘k Denk dat oeze pappe neudig möt.
Hie döt tegen de lienepaol een plas.
Moej ies kieken hee. Is dat gien mooi gezicht ?
Non döt oom André   oes pap de gulp weer dicht !
‘’t Liekt wal of zie gek bint op mekaar !
Mamme, wat döt oes pappe raar !

Mamme mamme heur ej dat,  hoe oes pappe zingt ?
Oh wat is oes pappe in zien sas.
Heur toch ies hoe hard ‘e deur de straot hen klinkt.
Alle buren koekeloert deur’t glas.
Wel is dan die juffrouw in oes pappe’s lied ?
Kent oes pap” vrouw Haverkamp “? Want die ken ik niet.
En hoe wuur oes pappe dat gewaar ?
Mamme, wat döt oes pappe raar !

Man , wij kriegt visite, auto op de dam.
Oh, dat is vast pappe’s neie baos.
Kiek ies mam, daor stiet ‘e. Pappe schruk zuch lam.
Kiek, die hangt daor tegen’t kippegaos.
Pap haar’t aans wal weten. De baos hef gister beld.
Maar ik bin ’t vergeten, ik heb hum’t niet verteld.
Kiek ies mam, non rookt oes pap sigaar !
Mamme, wat döt oes pappe raar !

Mamme mamme, kom ies even. Pappe löp hen hoes.
Volgens mij is’t over met de lol.
Hie stiet daor te overgeven bij  oes in de douche
Kiek, de wasbak zit al bijna vol.
Het löp hum langs de sik en het löp hum langs de kin.
En zien neie strik die hangt er middenin.
Baos zit al weer in de Jaguar….
Mamme, wat döt oes pappe raar !