menu
  • In het Drents
  • In het Nederlands

Hen Terschelling

‘t Was een zwoele zommeraovond en de barbeque stun an.
En het was er bar gezellig bij tan’ Griet en ome Jan.
Daor lagen negen flessies bier bij ome Jan under de heeg
En de fles rosé van Griet was ok host leeg.

Toen sprak Grietien hiel romantisch, bij het schiensel van de maon;
“Zul wij beide, net als vrogger, ies weer hen Terschelling gaon ?
t Is geweldig! , lalde Jan,   hielmaol lös en van de ket.
Ja natuurlijk lieve Grietien gao ik met!

REFR:
( Wij gaot weer)  Hen….de zee.  Hen…de zee.
Oh mien wicht wat is dat jao een gloepens mooi idee,
hen  de zee !


En toen aanderdaags tan’Grietien ome Jan d’r weer naor vruug,
haar die niet zo veul te koop umdat ‘e over kopzeert kluug.
Maar tan’Griet was vastbesleuten en dee niks op zien gezeur.
Want wat Grietien in de kop haar dat gung deur.

Dus een hoessien wuur bespreuken bij Terschellings VVV
Waornao Griet zuch gung verheugen op een weekien an de zee.
Ome Jan die dacht met wroeging an zien negen flessies bier,
want oom Jan bleef ei-gen-lijk veul liever hier !

REFR:
( Maar wij gaot weer..) Hen de zee !  Hen de zee !
‘k zul toch echt niet weten, zee’e , wat o’k liever dee, dan
hen de zee !

Met de auto op hen Harlingen, ome Jan en tante Griet.
Gatverdarrie ruup oom Jan, ik kan de auto hier niet kwiet.
Toen dat eindelijk toch lukt was heurden zie een harde toet.
Gung de grote veerboot net de haven oet.

Veer uur later zaten Jan en Griet dan eindelijk op zee.
En het hagelde en störmde en het regende en dee.
Maar toen wuur oom Jan zo zeeziek en het wuur ien speierij
in tan’Grieties puut met stoet en slikkerij.

REFR:
( Want wij gaot)  Hen de zee ! Hen de zee.
‘k Wol maar dat die boot er twie uur körter over dee,
O-ver zee !

Kom zee Griet, wij gaot hen boeten. In de frisse lucht an dek.
En zo kwamen zie in de haven en tan’t Grietien dacht: Wat gek..
De Brandaris kan’k niet vinden. Zul dat ding hier niet meer staon ?
En toen is zie naor de Kapitein toe gaon.

De Brandaris, zee die toen, is hier nogal ver vandaan.
Daarvoor had U misschien beter naar Terschelling kunnen gaan.
Want U staat hier nu op Vlieland ! Tante Grietien reerde: “Nee ! “
En zie plengde dikke traonen in de zee.

REFR:
(Dikke traonen)   In de zee.  In de zee. 
Jan die stun er bij alsof ‘e ’t in de boksem dee,
(Zie muzzen) weer op zee ! 

Toen hef Jan zien grote armen um tan’Grieties scholders legd.
Stil maar wichtien, zee ‘e zachies. Nou begunt oes feest pas echt.
Wij zuukt hier wal een hotellegie veur dizze iene nacht,
Oh, wat heerlijk, zuchtte tante Grietien zacht.

En toen hebt zie lekker eten en zie drunken een glassien wien
En het licht van de Brandaris scheen heur ‘s nachts deur het gerdien.
Zachies heurden zie de branding en zie kregen de slappe lach. 
En ’t was heerlijk dat gien mèense heur daor zag !

REFR:
Hen de zee …Hen de zee.
Daor komp men tot dinger die men jaoren niet meer dee,
(Dus almaol)  Hen de zee !