Maonlicht in dien ogen

Hie luup vertwiefeld deur de velden. En zag de sterren in de nacht.
Hie haar heur nog zo veul te melden. Heur leste kus was warm en zacht.
En oh, hie huul zo van dit leven.En kende daorin ok verdriet.
Hie haar al zo vaak liefde geven. Maar dit gevuul , dat kend’e niet.

Refr: 
Oh…wat bin ej mooi !   Ej bint veur mij de allermooiste!
Zo mooi is er gienien .
Neem mij met.  Ik wil bij dei vannacht het maolicht in dien warme
ogen zien !

De nacht was koel en vol met geuren. Oh zo vertrouwd en zo bekend.
Hie kun zien eigen hartslag heuren. Was zuch bewust van dit moment.
Hie vuulde:  Nou moet ik beslissen. ‘k Wil niet allen het leven deur.
Mij dunkt ,  ik kan mij niet vergissen dat ik gelukkig wor met heur.

Refr:

De volle maon bescheen de weide,  en alle akkers,  zunder kleur.
Bescheen zien fiets doe hie die dreide  um weer op weg te gaon naor heur.
Daor zat zij stil op hum te wachten. Zij haar al hoopt dat hie dat dee.
En zij verlangde in gedachten dat hie vol liefde tegen heur zee:

Refr:  “Oh, wat bin ej mooi. Ej bint bint veur mij de allermooiste!
Zo mooi is er gienien.
Neem mij met. Ik wil bij dei vannacht het maonlicht in dien warme
ogen zien !”  ( 2x)