VOGELVRIJ

Rood kleurde’t in de mörgen
en zacht bluus de eerste wind.
En wat wuzzen wij van zörgen
Een lange dag veur oes als kind…..

En oh…. Ik vuulde mij…
Ik vuulde mij zo vogelvrij
Zo ziels-gelukkig waren wij !

Rood zakt de zun weer under
en wieds is het aole laand.
en achter de bos daorgunder
daor namst doh mij bij de haand.

En oh.. ik vuulde mij ….
Ik vuulde mij zo vogelvrij,
Zo zielsgelukkig wa’k met dei…

Helder schient in het duuster
’t locht van de volle maon .
kom dichterbij en luuster
met dei wil ik wieder gaon

Want oh , ik vuul mij vrij,
Ik vuul mij vogel- vogelvrij
Zo ziels-gelukkig bin’k met dei !

Rood kleurt de zun de mörgen
En zacht blas de eerste wind….. En
loop ik hier rond met zörgen
Dan weet ik dat ej d’r bint.

Want oh… ej heurt bij mij,
Ej heurt bij mij en ik bij dei.
Zo ziels-gelukkig zin’k bij dei ! (2x)